Aizawl : Rs. nuai 105.57 senga sak, Champhaia Conservator of Forests, Eastern Circle Office Building chu nimin khan EF&CC Minister TJ Lalnuntluanga’n a hawng.
EF&CC Minister chuan Conservator of Forests, Eastern Circle Office hawn thar chu- an ram leh ngaw hum- halh chungchangah leh Environment humhalh kawngah Forest department tha nasa takin a tichak dawn niin a sawi a. Forest department chuan finchhuah tu an mamawh thin thu leh finchhuahna tur an hriat phawt chuan inthlahrung lova thurawn pe zel tura kalkhawmte sawmin, Conservator of Forests, Eastern Circle Office Building Champhaia hawn theih a nih chhan pawh thurawn an dawn vang niin a sawi.
Champhai chu Internaltional boundary a awm a nih avangin ramsa man a tam hle nia sawiin, EF&CC Minister chuan ramsa man te enkawl zui zel dan turah buaina leh harsatna an tawh fo thu a sawi a. Ramsa man te chu enkawl zui an nihna tura hmalak a nih thu leh Rescue Centre dinna tur Rs. nuai 1091 sanction tihfel a nih tawh thu sawiin, kar tharah chu- an lung phum hman tum a nih thu a sawi.
Ramria duty tur Protection Squad pawh sorkar laipui ah dilin mi 50 chin phalsak an nih tawh thu sawiin, state dang dil te zinga hlawh- tling awmchhun an nih thu EF&CC Minister chuan a sawi a. Mi 50 te chu staff indaihlohna phurukna atan hman an nih tur thu a sawi.
EF&CC Minister chuan Champhaiah Bo- tanical Garden leh Nature Learning Centre changtlung tak nei tura hmalak mek a nih thu pawh sawiin, khawpui chhung Ngaw siam tur- in Nagar Van buatsaih a nih thu pawh a sawi a. Champhai chu khu- alzin hipna hmun pawimawh taka hman an tum thu sawiin, Swad- esh Darshan 2 hmangin Tlangsamah hma- lakna tur hrang hrang an neih thu leh kum tharah chuan Champhai hmelthar an hmuh tan tur thu a sawi.
SASCI sum Rs. nuai 1500 hmangin ramria insumdawntawnna tih- changtlun mek a nih thu pawh EF&CC Minister chuan a sawi a. Champhai North bialtu MLA Dr. ZR Thiam- sanga ngenna angin Murlen Sanctuary kal kawng leh a hmun te a theih ang anga chei that a nih tur thu a sawi bawk.