Guwahati International Film Festival vawi 2-na, chawlhkar khat awh tur chu nimin khan Assam Chief Minister Sarbananda Sonowal chuan hawngin festival hi tan a ni.
Festival hi Jyoti Chitraban-in Dr. Bhupen Hazarika Regional Government Film & Television Institute nena tangkawpa an huaihawt a ni a. Jyoti Chitraban chairman Pabitra Margherita chuan kûtpui neih chhung hian ram hrang hrang 50 atangin movie 108 chhuah a ni dawn tih a sawi a, a bik takin ASEAN rama movie siamte chu thlurbing deuh a nih tur thu a sawi a. Festival karah hian event pawimawh tak tak pawh huaihawt a ni dawn tih a sawi bawk.
Festival-in a tum pakhat chu Assam chawi lar a nih thu Jyoti Chitraban chairman chuan a sawi a. Movie chhuah bakah hian discussion, zawhna leh chhanna hunte a awm dawn tih sawiin, ram hrang hrang atangin chhimtu an kal dawn tih a sawi bawk.