French champion Paris Saint-Germain tan striker thar pahnih Randal Kolo Muani leh Goncalo Ramos te chuan an goal hmasa ber khung ve ve in hnehna an chanpui a, an hmelma leh elpui hlun Olympique Marseille lakah 4-0 in an chak.
Inrinni zana Parc des Princes a inkhelah hian Achraf Hakimi chuan minute 8-naah goal hmahruai a khung a, a zawna match hnih nan goal a khung.
Halftime hma in Kolo Muani in an goal hnihna a khung a, second half-ah Portuguese striker Ramos-ah goal hnih a khung ve leh a ni.
PSG lawm erawh a kim lova, first half-ah Kylian Mbappe chu inhliam avangin lakchhuah a ngai.
An coach Luis Enrique chuan, “Kan inkhel kha duhthusam ang vel a ni. Kan duh ang taka khelh theih kan hnaih tawh. Player te an inman tawh hle a, an inpawh tha hle. Goal ven leh goal nawr kawngah kan tangrual tha hle a ni.” tiin hma an sawn tih a sawi.