Bollywood actress Parineeti Chopra leh Delhi CM leh AAP tana mi pawimawh tak ni chho mek Raghav Chadha te chuan ‘Tiam Tlat E’ an ti ta.
Leela Palace, Udaipur, Rajasthan-a inneihnaah hian an chhungte hnai vai leh thian tha tak tak an pungkhawm a, chanchin buatsaih lai hian social media kaltlanga official announcement an la nei chiah lo thung.
Parineeti leh Raghav te hi May 13, 2023 khan Kapurthala House, New Delhi-ah inhualna an lo nei tawh a, duhsaktu leh lawmpuitu an tam hle.
An innei dawn nia sawi a nih phat khan mi tam tak mak tih a hlawh a, ring lo fe fe leh awi loh fe fe thlengin an tam.
Amaherawhchu, anni pahnih hi tunhnaia inhre chawp ni lovin, kum tam liam ta khan US-a lehkha an zirna atanga inhrechiang leh inthiantha tak ni zui an ni.