Inter Milan in league-ah an chetthat an chhunzawm a, an left wing-back Federico Dimarco chuan a chetthat chhunzawm ve bawkin 1-0 in Empoli laka an chakna goal a khung.
Stadio Carlo Castellani-ah hian Italy wing-back Dimarco hian second half tan tir lamah goal mawi tak a khung a. Tun season-ah league inkhel hnuhnung pathum atangin a pawlte goal khung tur vawi thum siamsaktu Dimarco-a’n tun season a a goal hmasa ber a khung.
Inter manager Simone Inzaghi chuan, “League season-ah vawi nga a vawi nga chak a bul tan thei hi an tam lo a nih pawhin ka ngaihven lem lo. Mimal ropuina hi ka dahsang lo.”
“Kan inkhel en khan kha ai khan result kan tichiang hma zawk tur a ni a. A tawpah inhliam avangin player 10 a khelh kan ngai leh bawk si a, kha khan engkim a ti harsa. Kan chance neihte thlir khan 2-0 tal nih tir tur kan ni.” a ti.