Aizawl : Govt Mizo High School, Aizawl-in thiamthil chi hrang hrang entirna an school compound-a an buatsaih ‘Thul 2023’ chu nimin khan School Education Minister Pu Lalchhandama Ralte-in a hawng.
School Education Minister chuan Govt. Mizo High School-in zirlaite thiamthil tha tak tak phochhuahna a buatsaih chu lawm- awm a tih thu a sawi a. “Mizote hi talent nei tha tak kan ni” tiin, National Level Skill competition-ah pawh Mizoramin lawmman pathum a lak thu leh India hmarchhak huap inelnaah phei chuan sawm chuang an lak theih thu bakah tunah hian khawvel pum hu- ap skill competition-a tel tuma sorkarin hma a lak mek thu a sawi.
Lalchhandama Ralte chuan “NEP 2020 hian zirna pangngai leh skill development hi a kai- kawp vek a, hemi mil hian zirna kalpui dan tur pawh ruahman a ni a, School bag ah loh ni te pawh siam a ni” a ti a. “Ram changkangho hi skill-ah an sang a, Pathianin talent a pek te peipunga phochhuak tura an beihna a ropui thei hle” tiin, Thul 2023-a zirlaite thiamna phochhuah chuan eizawnna tlaka thiamna nei turin a pui zel ang tih a beisei thu a sawi.
“Pathianin Mizo hnam nihna min pe a, Mizoram min pe, kan hnam tih dan leh nunphung chhawm chhoh zel min pek te, tawng min pek te tihausa turin sorkarin tan a la mek a ni” a ti a. Sikula ‘Ro min relsak ang che’ tih hla sak thin tura tih chu naupangte thinlunga Mi- zo hnam nun leh hnama min siamtu Pathian nena inthlunzawmna pawimawh tak a ni” a ti.
Lalchhandama Ralte chuan hmasawnnain hn- am ziarang leh nunphung chhawm chhoh zel te kalsan lo se a duh thu sawiin, ram leh hnam zahpui lo turin zirlaite chu a chah a. Govt. Mizo High School website a hawng nghal bawk.
Govt. Mizo High School Thul exhibition 2023-ah hian zirlaite thu leh hla ziah tarlanna ‘Ink on paper’ tih chu Education Minister chuan a tlangzarh bawk a. Lalnunpuia Hrahsel lehkhabu ziah ‘Englo’ tih chu Education Director Lalsangliana’n a tlangzarh bawk a ni.