Newcastle winger Harvey Barnes chu a hliam chiang zawka endik a nih hnuah an manager Eddie Howe chuan kar engemaw zat ni lovin thla engemaw zat chawl tur a nih hmel niin a sawi.
Kum 25 mi hi Pathianni zana Sheffield United laka 8-0 a an chak tumin minute 12 bak a inkhel hman lova, inhliam avanga thlak a ngai.
July thla a Pound maktaduai 38 a Leicester City atanga St. James’ Park pantu Barnes-a hliam hi endik niin zai a ni dawn nge dawn lo tih ngaihchan a la ni.
“A ke phahah niin a hliam awmna lai hi a lai hle a, mi thiam ka nih loh avangin ka sawi thui thei lova, amaherawhchu hetiang hliam hi a thleng ngun lo a ni.” a ti.
England tana vawikhat inkhel tawh Barnes hian a club thar tan chuan inelna hrang hrangah tun season-ah vawi sarih a inkhel tawh a. Goal khat a khung tawh.