Khum 100 awmna, Mamit District Hos- pital chu nimin khan He- alth Minister Dr R Lal- thangliana’n a hawng.
Health Minister chuan Mamit chu India rama Aspirational District 115 zinga pakhat a nih thu sawiin, Aspirational District atan hian thlur bing pawimawh tak tak pahnih – hriselna ngaihpawimawh leh zirna ngaihpawimawh a tel thu a sawi a. Hei hian hamthatna tam tak a keng tel tih sawiin, he hospital dinna atana pawisa hman chungch- angah uluk takin bialtu MLA leh a thawktu ten hma lain, Infrastructure din piahlamah bu- ngrua khawl leh thil dang bun nan funding chu hman a nih thu leh bungraw thenkhat la bun belh a nih tur thu a sawi.
Dr R Lalthangliana chuan “Mamit District hi Central sorkar lakah a langsar vah tih hria ila, Health & Family Welfare Department pawhin tan nasa takin a la a, chung zingah chuan Mamit District chhunga W. Phaileng PHC chu Community Health Centre-ah hla- nkai a ni” a ti a. Hmasawnna ruhrel chuan thawktu (man power) a mamawh belh dawn tih sawiin, hmalak zel a nih tur thu a sawi.
Mizoram chhungah Clinic 235 hawn a nih thu pawh sawiin Dr. R. Lalthangliana chuan hengah hian hmun ki- lkawr-ah pawh nau ne- ihna facility te pawh a awm tawh thu a sawi a. Mizoram Health St- rengthening Project ka- lpui a nih thu leh hei hian mamawh zualpui tuamhlawmna kalpui mek a nih thu a sawi.
District 3 ah CMO Office hawn a nih thu sawiin, Mamit bakah Siaha, Lawngtlai leh Champhai Hospital te chu khum 100 awm theihnaa tihlen a nih thu a sawi a. Hmabak lian tak Serchhip ah kalpui mek a nih thu sawiin, Kolasib District ah khum 100 aw- mna tur Hospital sak mek a nih thu leh Z- MC leh Champhai Hospital ah covid in a hrin chhuah natna bik khirhkhan, Critical Care Block buatsaih a nih thu leh tunhnaiah Director of Nursing din leh a nih thu a sawi bawk.
Technical report-a a lan danin, Mamit District Hospital hi Rs. 16,93,35,000.000 senga Zamzo Engineering, Construction & Consultancy-in an sak niin, September 4, 2020 ah sak tan niin, a sak zawh hun tura ruahman September 5, 2022 a ni.