Inspector General, Assam Rifles (East) kaihhruaina hnuaiah Assam Rifles chuan nimin khan Circular Lawn, Raj Bhavan-ah investiture ceremony a buatsaih a, Larsap Dr Hari Babu Kambhampati chuan Jawan hnathawk tha thlanchhuah mi 23 te hnenah chawimawina Governor’s Gold leh Silver Medals a hlan.
Dr Hari Babu Kambhampati chuan ram venhimna kawngah Assam Rifles ten Mizoram ramri hrulah hna pawimawh tak an thawk tih a sawi a, Assam Rifles te thawhhrimna leh state sorkar hnathawkte an thawpui that avangin ralthuam, ruihlo leh dan lova bungraw tawlh tam tak man a ni tawh a ni, a ti.
Larsap chuan Assam Rifles zinga sipai chhuanawm tak tak heti zat chawimawi tur an awm chu lawmawm a tih thu sawiin, Assam Rifles officer te leh sipai zawng zawng te chu state sorkar hnuaia dan leh thupek kengkawhtute, tha taka thawhpui chhunzawma Mizoram himna leh muanna atana an theihtawp chhuah chhunzawm zel turin a fuih.
AR Investiture Ceremony-ah hian Chief Secretary Dr Renu Sharma, DGP, Mizoram Police Anil Shukla, DGP, Mizoram Police bakah Assam Rifles Officer te leh sawmbik te an tel a ni.