Aizawl : Larsap Dr. Hari Babu Kambhampati-a’n nimin khan Assam Rifles hnathawk tha zual te hnenah chawimawina Governor’s Gold leh Silver Medals hlan.
Larsap chuan ram venhim kawngah Assam Rifles ten Mizoram ramri hrulah hna pawimawh tak an thawk tih sawiin, Assam Rifles te thawhhrimna leh state sorkar hnathawkte an thawpui that avangin ra- lthuam, ruihlo leh dan lova bungraw tawlh tam tak man a ni tawh tih a sawi a. Assam Rifles zi- ngah sipai chhuanawm tak tak thahnem tak cha- wimawi tur an awm chu lawmawm a tih thu a sawi.
Assam Rifles officer te leh sipai zawng zawng te chu state sorkar hnuaia dan leh thupek kengkawhtute tha taka thawhpui chhunzawma, Mizoram himna leh muanna atana an theihtawp chhuah chhunzawm zel turin Larsap chuan a chah a. “Mizoramin kan hma lawkah inthlan kan hmachhawn dawn avangin Assam Rifles te chu in duty na hmunah in fimkhur leh zual pawh a ngai dawn a ni” a ti bawk.