Manchester United winger Jadon Sancho chuan first team zawm a la hnaih lova. Manager Erik ten Hag nen an inkar boruak a that loh hnuah thupha a chawi duh loh avangin team-ah telh a ni lo zel.
Sancho hi Carrington training ground-ah first team zingah engahmah telh phal a ni lova. Training chauh ni lovin thil eina hmun zawng zawngah pawh academy player-te kiangah bak a tel phal a ni lo.
Sancho hian social media kaltlangin a training a tha tawk lo nia sawiselna chu a chhanglet a, hei vang hian first team a tel leh turin thupha a chawi a ngai tih club enkawltu lamin an tichiang a. Tun thlengin thupha chawina a la nei lo.
Sancho leh manager inkar boruak a kal chhoh zel lai hian Thawhlehni khan England winger hian a Instagram account chu a titawp lailawk rih a ni.