BLACKPINK Lisa-i’n rimawi khawvelah mel lung pawimawh leh hriatreng tawh tur phunin, Spotify-a hla pakhat hmanga billion khat chuang stream kai hmasa ber K-pop idol ni turin a dingchhuak.
A hla, ‘Money’ hian September 20 khan billion khat stream a kai chiah a, heti hian Thailand-a piang a hnu-ah K-pop idol lar tak ni zui hian solo hla hmangin history ropui tak a siam ta a ni.
He hla hi Spotify official Billions Club playist-ah a lang ta vang mai a, he club-ah hian BTS, ‘Dynamite’ leh ‘Butter’ te an langsar hle bawk.
‘Money’ hla hi September 2021 khan tlangzarh niin, debut solo single album, ‘Lalisa’-a B-side-a awm a ni a. Hemi kum November thla hian single anga tihchhuah niin, TikTok lamah lar namen lovin a lar zui bawk.