Bayern Munich in DFB Pokal first round-ah Preussen Muenster lakah goal li an khung a. First team player thenkhat chawlh hahdam tir chungin awlsam takin hnehna an chang.
Preussenstadion a German Cup first round inkhelah hian Bayern coach Thomas Tuchel-a’n striker Harry Kane chu khelhtir lovin tlarhmaah Mathys Tel leh Eric Maxim Choupo-Moting te bul a tan tir a. An pahnih inkawp hian tlarhnung thiatin minute 9-naah Choupo-Moting-a’n goal a khung.
Halftime hma in Konrad Laimer leh Frans Krätzig ten goal khung bawkin second half tawp dawnah Mathys Tel in an goal hnuhnung ber a khung.
Team pahnihte inkhel tur hi German Super Cup an khelh avangin thla khat leh a chanve a sawn tlai a ni.