Mizoram Pradesh Mahila Congress chuan nimin khan Vanapa hall-ah Mahila General Conference an hmang a, an president Lalsawta chuan Congress party in Mizoram chhan tura thawk tura in pe mi tha tak tak a nei zel tih a sawi.
Lalsawta chuan an party in mi tha an nei zel chu anmahni tih a ni lo a, thawktu a awm tih a sawi a,”Kan ram himna tura thawk turin party pathum, Congress, ZNP leh PC ten Mizoram Secular Alliance kan din a. Hei hi chak taka kalpui a ngai,” a ti.
Congress president chuan,”‘Min enchhin turin tih mai mai’ a hun tawh lo. Kan ram leh hnam humhim a, kan sakhua kan humhim theih nan hmalak a ngai tawh,” a ti a, Secular Alliance ah tel turin ZPM leh MNF te pawh a sawm tih a sawi bawk.
Mahila President Vanlalawmpuii Chawngthu chuan, Hmeichhia te chu a tha zawnga danglamna siamtu an ni thei tih sawiin, tuna India ram Politician, hnam hnuaihnung leh sakhaw tlem zawk te humhalhtu Congress party hruaitu pawimawh chu Sonia Gandhi a nih thu a sawi a, Mizoramin sorkar tha a neih theihna turin danglamna siam a tul a, MAHILA member ten theih tawp an chhuah a tul tih a sawi.
Mahila General Conference-a kal khawmte chuan resolution siamin Women reservation bill pass lawmawm an tih thu leh congress chu a sul sutu ber an nih thu an sawi a. MPCC Election Manifesto tang Puihna chu kawng hrang hranga eizawngtute tan tha an ti tawk tihte, Lalsawta hruaina an rin tawk thute, ram, hnam leh sakhaw him theih nan Congress Party-lo chu, Party dang an awmloh avangin Lalsawta kaihhruai Congress Party an rintawk thute an tarlang a ni.