Nimin khan Saitual District Hospital ah Ayushman bhavah health mela neih a ni.
He Health mela ah hian a thlawn a inentirna hun hman a ni a, heng General Surgery, Medicine, Paediatrics(naupang) leh ENT ah te hian specialist an lo kal a ni.
Dr Zothanpari Chhakchhuak SMO, Saitual in a tarlan dan in vawiin Ayushman Bhavah ah hian inentirna bakah Golden card siam a ni a, organ donation pledge leh ABHA(Health ID) te siam a ni bawk. Damdawi leh test hrang hrang pawh a tam thei ang ber a thlawn a tih a ni.
Ayushman Bhavah campaign hi India rama mi tin huapzo, universal health coverage tihhlawhtlinna kawnga hmalakna pawimawh tak a ni a. He campaign hian inentirna, damdawiin awm leh medical condition hrang hrang enkawlna te a huam a, Community Health Center leh PHC ah te kalpui thin niin India mipuite hriselna tih hmasawnna kawngah a thawhhlawk hle a ni.
Nimin a Saitual a Ayushman Bhavah Health mela ah hian damlo hming ziak zawng 618 niin Doctor lo kal te chu :
- Dr Manoj B Patki- Community medicine
- Dr Venu Gopala Reddy- Surgery
- Dr Hnamterambuatsaiha-surgery
- Dr Vanlalhruaii- medicine
- Dr Sangkimi- medicine
- Dr Lalnuntluanga- ENT
- Dr Mampy Das- Paediatrics te anni.