Aizawl: Kumin hian Mizoram ah sikserh natna (Malaria) avanga nuna chan 9 an awm tawh laiin, Dengue vanga nunna chan 1 a awm tawh.
Thawhlehni leh nimin khan Health Deptt. hnuaia Vector Borne Disease Control Programme review meeting chu DHME Auditorium-ah neih niin Health Deptt. hnuai a district 9 atangin Vector borne lama thawktu ten hun an hmang.
Kalkhawmte report in atarlan danin, kumin Jan-Aug chhung khan Mizoramah Malaria thisen exam zawng zawng 220611 niin, Malaria natna vei hmuhchhuah mi 7,424 awmin, Malaria vanga nunna chan mi 9 an awm.
Kumin Jan ni 1 atang Sept ni 17 chhungin Dengue test zat 7,720 niin, heng zingah hian Dengue natna vei hmuhchhuah zat 821 ani a, nunna chan mi 1 a awm tawh bawk.
Thutkhawm hi Health Services Director Dr Lalremmawii chuan kaihruaiin Dr Chawngthanchhunga, Addl. Director cum State Prog Officer chuan Mizoram a Malaria leh Dengue natna dinhmun, presentation pe in, Dr Lalzawmi, Joint Director chuan lawmthu a sawi a ni.