Aizawl : Chhiahtlang Chhim Veng Branch YMA chuan nimin khan an kum 25 tlin Silver Jubillee an lawm a, Social Welfare minister Er. Lalrinawma’n a hmanpui.
Khuallian Er. Lalrinawma chuan, Mizorama pawl lian leh pawimawh tak YMA tha taka a kal zel chu lawmawm a tih thute, Chhiahtlang Chhim Veng Branch in kum 25 lai an lo thleng ta chu a lawmpui thute a sawi.
Minister chuan hnam nun leh ziarangte chu a bo chuan hnam bo nih mai a hlauhawm a vangin mahni hnam ngaihsana, hnam zia rang bungruate hlut deuh deuh a tul em em a tih sawiin,”Mizo hnam chu hnam dang aiin kan dawihzep bik lo tih hre tharin, YMA pawhin kan hnam nun leh ziarangte i vawnghim tlat zel ang u,” a ti.
Silver Jubillee lawmna inkhawm hi Branch YMA President C. Thanvawra’n a kaihruai a, YMA member member thite sunna hunte hmangin, Jubille hriatrengna lungphun hawn a ni.
Chhiahtlang Chhim Veng Branch YMA hi January ni 29, 1998 ah Branch puitlingah dah a ni a, tunah hian Member Mipa 254 leh Hmeichhia 101, an vaiin 355 an awm mek a ni.