Portland Trail Blazers chuan an guard Damian Lillard chu Milwaukee Bucks hnena khel turin an trade a, Phoenix Suns nen team pathum telna trade-ah Lillard hi a insawn.
Team te inremnaah hian Portland in Jrue Holiday, Deandre Ayton, Toumani Camara leh Milwaukee atangin 2029 unprotected first-round draft pick leh kum 2028 leh 2030 a unprotected Milwaukee swap rights an dawng.
Suns in Jusuf Nurkic, Grayson Allen, Nassir Little leh Keon Johnson te an dawng ve thung.
Blazers hian Holiday hi team dang hnena la trade leh theihdan an dap dawn nia ngaih a ni bawk.
Lillard hian July khan Blazers chhuahsan hi a duh thu a tichiang tawh a. Season 11 an hnena a hman chhungin vawi sarih All-NBA team-ah langin All Star tum sarih a ni bawk a, playoffs vawi riat thlenpuiin kum 2018-19 khan Western Conference finals an khel.
Miami Heat a kal duh mahse team an inbiak rem theih loh avangin Milwaukee lamah a kal ta zawk.