Sony Electronics leh Olivia Rodrigo te chuan ‘LinkBuds S x Olivia Rodrigo’ tih hmingpu in, noise-cancelling wireless headphones tha tak an tlangzarh ta hluai mai.
He LinkBuds S x Olivia Rodrigo thar tur hi limited edition a nih dawn vangin chan loh palh awm thei a ni a, fan te an phur rualin, chang loh bik nih erawh an hreh lawm hle dawn tih a chiang.
Olivia leh a producer Daniel Nigro te hian an duhdan leh tha an tih ang thlapin Sony-in a siamsak a, style hi Rodrigo idea hlak ni thung a, violet marble pattern hman a ni ang.
Rodrigo hian sik leh sa humhalh a pawimawhzia hrechiangin, wireless headphones an duan turah hian hlui hlawn tawwh plastic, water bottles leh lirthei part hrang hrang tihchhiat tawh te an lakhawm a ni.