Bayern Munich captain Manuel Neuer chuan a ke a tih tliah atanga thla 10 hnuah team training thenkhat a zawm.
Kum 37 mi German goalkeeper hian Ningani atang khan goalkeeper dang Sven Ulreih leh Daniel Peretz te kiangah goalkeeping drill thenkhat a nei ve thei a. Team training pangngai erawh a la zawm lo.
Bundesliga title 11 la tawh Neuer hian December thla khan chawlh a hmanna ah a ke hi a ti tliak a. Zai a nih hnuah a la inkhel leh thei lo.
A hliam enkawlnaah beisei anga hma a sawn mai loh avangin a chawlh chhung hi a rei ta deuh a. “Training-ah ka teammate te kianga han kir leh theih hi ka tan thil lawmawm tak a ni.” a ti. Bayern sporting director Christopher Freund chuan a inkhelh leh theih thuai tur thu a sawi bawk.