Provisional Employees Association of Mizoram (PEAM) chuan an dinhmun sorkarin a ngaihtuah sakna ah an lawm.
PEAM hruaitute chuan nimin khan Aizawl Press Club-ah chanchinbu mite an kawm a, tun sorkarin Group C leh D hnaa a nghet lova thawkte chu dinhmun tha zawka hlang kaiin, hamthatna hrang hrang a pe a, MR atangin PE ah hlang kaiin, status sang zawk pek an ni a, saving scheme te pawh ngaihtuah sak an ni tih an sawi.
Kum 2020 atanga tun thlengin contract empolyee mi 290, PE/MR 1687 leh workcharged 36 an regular tawh tihte, tun dinhmunah PE 552 leh contract hnathawk mi 57 te dah ngheh an nihna tur file a kal mek tih sawiin, tunhnaia council of ministers thukhawmin an hamthatna tur ‘one time relaxation for regularization of contract & Provisional employee outside the prescribed quota’ a thuphunga a pawm sak leh te chu an lawm a, tun sorkarin hamthatna an pek hrang hrangah an lawm hle tih an sawi.
Hetihlai hian sorkar laka an lawmna a famkim lohna te an sawi bawk a, state sorkar hnuaia thawk sa la nghet lote regularized na tur ngaihtuah leh pawm hmasa lova provincilized school hnuaia thawk, sorkar hnuaia hna la thawk ve ngai reng reng lote, sorkar hnuaia absorption a ti a nih chuan an pawm dawn lo tih an sawi a, kum sarih thawk pum hlum tawh DP&AR in regularized tura list a siam fel tawh hi paih then a awm lova regularized chu an thu tawp leh an dinna a nih thu an sawi bawk a ni.