Students’ Self-Supp- ort Union (SSU)-in nimin khan Serchhip Auditorium-ah General Assembly an hmang a. EF&CC Minister TJ. Lalnuntluanga leh MLA, Lalduhoma ten an hmanpui.
TJ. Lalnuntluanga chuan zirlai pawla lo tel ve tawh thin a nih thu leh rawlthar an nih atanga an lo inhman ve thin thu sawiin, kum 1995-ah Champhai-ah SSU chu an lo din ve tawh thu a sawi a. SSU thil tum leh hmalakna te chu tha a tih thu sawiin, zirlaite rilruah mahni intodelh leh kut- hnathawh pawimawh zia tuh zel a pawim- awh thu a sawi.
Zirlai pawl hruaitu an nih hunlaiin kuthnathawh leh hnathawh thawmhnaw ha-a kha- wlaia kal a zahthlak lo tih inzirtirna te an lo neih tawh thin thu te, zirlai inhlawhfa duh tan hnathawh tur an ng- aihtuahsak thu leh nu leh pa te pawisa dil chu a zahthlak tih inzirtirna te an lo kalpui tawh thu sawiin, hei hian rah tha a chhuah ve nia a hriat thu sawiin, “mahni th- awhchhuah sum chu kan renchemin kan hlut bik” a ti.
TJ. Lalnuntluanga chuan SSU chu zirlai pawl dang angin bor- uak lian tak nei ni ve lo mahse, an hmalakna, mahni intodelh leh kut- hnathawh chawisan chu hnam tana lungphum pawimawh tak a nih thu a sawi a. Hemi kawnga inzirtirna an neih te chuan rah tha a chhuah zel a beisei thu leh inzirtirna neih zel a tul thu sawiin, he assembly-a kal Mizoram hmun hrang hranga zi- rlaite chu ‘SSU Ambassador’ ni haw theuh turin a chah a, “He hmalakna hi kan nunpui tlan chuan hlemhletna leh eirukna pawh a bo ngei ang” a ti.
Hlawhtling tlaka hnathawh a pawimawh tih hre reng turin SSU member kalkhawmte chu a chah a. Intodelh a pawimawh zia sawi- in, sorkar hna sang th- awk thei ten an thawh a that rualin, a thei ve kher lo te pawhin phak tawkah zel intodelh tura hnathawh inhuam a tul thu TJ. Lalnuntluanga chuan a sawi a. Hna sang ringawt chu hna zahawm a ni lo tih sawiin, intodelh tura thawh theih ang tha taka thawh chu a zahawm thu sawiin, “Pathianin kan ramah hian intodelhna tur min pe tih kan hriat reng a pawimawh” a ti bawk.
He hun hmanpuitu dang, Serchhip bialtu MLA Lalduhoma paw- hin SSU chu pawl pawimawh tak a nih thu sawiin, member tam ringawt nih tum lova an dinchhan leh thil tum anga thawktu an nih chuan tlem mahse, ram leh chhungkaw tana malsawmna an nih a beisei thu a sawi a ni.