Aizawl: Aam Aadmi Party (AAP) Mizoram President Andrew Lalremkima chuan party dang sawisel tur leh mi dang sawichhe turin AAP hi Mizorama la lut an nih loh thu a sawi.
Inrinnia Serchhip Complex Field-a Lallianzuala Chhangte Football Festival 2023 kharna a hmanpuinaah AAP Mizoram President chuan Mizorama AAP an lak luh chhan sawiin, “Party dang sawisel tur emaw, mi dang sawichhe tura la lut kan ni lo va. Delhi leh Punjab-a AAP rorelnaa an hnathawh tha tak takte chu kan ram tana tih ve theih niin kan hria a, chutiang tur chuan theihtawp chhuahin hma kan la zel dawn a ni,” a ti.
Mizorama AAP chuan Mizo thalai infiammite tan theihtawpa hma lak an tum tih sawiin Andrew Lalremkima chuan, Mizo thalaiten football leh infiamna dangah theihna an neih san thu leh Mizo tihmingtha tur leh Mizo hming timawi zel tura theihtawp chhuah turin thalaite a chah nghal bawk.