Aizawl : School Education Minister Lalchhandama Ralte-in Zir- tawpni khan Ministry of Education thuneitute a dawr a. Sorkar laipui scheme hnuaia Mizoram zirna atana thil țul leh pawimawhte a thlen.
Lalchhandama Ralte chuan Ministry of Education Additional Secretary Vipin Kumar leh Joint Secretary Prachi Pandey te hmuin, Samagra Shiksha leh PM Poshan scheme hnuaia Ministry-in Mizoram ta- na sum a la pek chhuah loh te a rang lama pe chhuak thuai turin a ngen a, Ministry hotute hian kar leh lama pek chhuah theih an beisei thu an lo hrilh niin sorkar thuchhuah chuan a tarlang.
School Education Minister chuan Hindi teacher 855 awm mek, Ministry of Education-in 812-a a tihtlem chu Hindi teacher awm zata tipung leh turin a ngen a, MoE hotute chuan ziaka thehlut tur leh lo ngaihtuah an tum thuin an lo chhang a. Tunhn- aia Adhoc Aided School ațanga sorkar school-a hlankai thar te chu Minister ngenna angin sikul dinhmun chhinchhiahna UDISE-ah siamțhat an lo phalsak a, hemi beh- chhan hian sorkar sikula hlankai thar te tan sor- kar sikul ten an dawn țhin a thlawna sem uniform grant, text book leh composite grant te pek ve nghal a thuphungin an lo remti.
Mizoram sorkarin Adhoc Aided ațanga sorkar sikula hlankai te chu hriattirna a tihchhuah hunah an chanvo tur dil an lo phalsak a, kum thar annual plan siamah dinhmun thara hlankai sikul 180 ten an hlawkpui dawn niin sorkar thuchhuah chuan a tarlang bawk.
School Education Minister hi SPD Samagra Shiksha & Additional Director Lalhmachhuana’n a țawiawm a ni.