Aizawl : Champhai Tuipui Community Hall-Cum-Boxing Hall, Rs. nuai 50 senga sak chu nimin khan bialtu MLA, Minister of State ni bawk TJ Lalnuntluanga’n a hawng.
TJ Lalnuntluanga chuan Tuipui khuain Community Hall an neih lian lo tak chu a thara thlak a nih theihna tura hma an lak dan sawiin, a hmun tur an enkual hnuah Tui- pui khelmual chu thlan fel a nih thu a sawi a. RD Minister Lalruatkima hnenah fund an dil thu leh Rurban hnuaiah Rs. nuai 40 a lo pek thu leh MLA fund atangin Rs. nuai 10 a pek belh ve thu a sawi.
Champhai leh a ch- hehvel tan Tuipui khua te inpek thinna theihnghilh chi a nih loh thu TJ Lalnuntluanga chu- an sawiin, tui tla awm nikhuaah pawh Tuipui khua chu Champhaiin a chhuanvawr te an nih thu a sawi a. Tuipui khaw hmasawnna ata- na sorkarin theihtawp a chhuah thin thu saw- iin, khaw chhung inka- lpawhna white topping te, fehkawng nuam zawk siam te, Boxer te tana hall tha sak te, tui connection siamsak te, mobile network tha leh Champhai leh Tuipui inkalpawhna kawng chhe tawh tak siamthat hna te an thawh thu a sawi.
Tuipui khaw tana hmalakna tur an lo ruahman tawh te tihhlawhtlin a nih tawh thu pawh TJ Lalnuntluanga chuan a sawi a. Tomato an tharchhuah hralh zawhloha tawih awm thin te a awm ta- whlohna tura ruahma- nna siam a nih thu te, thlai thar te man man zawk leh tha zawka an hralh theih na tura tomato sawngbawlna khawl sorkarin a buatsaih sak thu te a sawi.
TJ Lalnuntluanga chua Health Worker Tuipuiah dah tura hm- alak ni mahse a thawk tur Health Worker za- wn chawp an ngai thin chu buaithlak a tlin thu leh Tuipui khua ami ngei Health Worker an awm theihna tura zirna kawngah pawh hmasawn tum turin a chah a. Tuipui khua a lo nawm zel a, chenna tlak a nih zel theihna turin thalai ten zirna an uar a tul tih sawiin, helam kawnga infuihna pawh uar zawka kalpui turin khawtlang hruaitute leh Kohhran hruaitute a chah bawk.
Champhai leh Aiz- awl inkar kawng chhe tak chungchang sorkar laipuiah thlenin kaw- ngpui tha an neih theihna tura Chief Minister nen hma an lakna zarah kawngpui lian leh tha a awm ta nia sawiin, TJ Lalnuntluanga chuan kawngpui thar in Tuipui khua a hellohna tura kawng hrang hranga hma an lak mek laiin hri a lo len tak avanga hma an lak chhunzawm theih tak loh thu a sawi a. Kawng kal dan tur ruahman lawk anga kaltir a nih tak thu a sawi.
Kawng tharin hel mahse Tuipui khawtlang ten sorkar tana harsatna siam zawnga an awm lo chu an puitlin zia lanna a nih thu a sawi a. Kawngpui thar Tuipui atanga kalpawh theihna tura hmalak ni se, tia Tuipui khawtlang hruaitute nen an lo sawiho tawh angin kawng laihna tur sum dahfel tawh niin laih mai theih a nih tawh thu a sawi bawk a ni.