Sorkar laipui chuan State Disaster Response Force (SDRF) hnena puihna a pek tura thawh hnihna, second installment Rs Vaibelchhe 7,274.40 chu state 23 hnenah a pe chhuak.
Union Home Minister Amit Shah chuan puihna sum pek chhuah tur hi pawmin Modi-a sorkarin eng chhiatrupna pawh tawk sela SDRF a chet chhuah zung zung theih nana an mamawh ang sum tumsak a tumna a ni.
Union home ministry-in thuchhuah a siamah state panga tan second installment hi a hun hma (advance)-in Rs Vaibelchhe 1,599.20 pek chhuah a nih tawh thu tar lan a ni bawk.
Sorkar laipui hian September 25 khan thupek chhuahin SDRF puihna tur hi a puang a, hei hi Covid-19 vanga nunna chân chhungte hnenah zangnadawmna pek tur sum an neih ngei theih nana tih a ni.
Shah-an sorkar laipuiin SDRF hnena sum a pek tur Rs Veibelchhe 7,274.40 a pawm leh tak nen hian SRDF hnena kum 2023-24 chhunga sum pek hi Rs Veibelchhe 23,186.40 a tling tawh.