MPCC Treasurer Dr. Lalmalsawma Nghaka chuan nimin khan Mualpui Road Welfare : Salem Veng Silver Jubilee chu khuallian niin a hmanpui.
Mualpui Road Welfare, Salem Veng hi kum 1998 a din niin, vengchhung zu leh sualna hrang hrang hluar tirem tura din niin, veng chhung inkal pawhna kawng leh street light thlengin an enkawl mek a ni.
Khuallian Dr Lalmalsawma Nghaka chuan, “Kan ramah ruihhlo a hluar chho nasa leh zual hle a, kum tin ruihhlo vanga kan thalai leh pa valaite nunna chan an pung tual tual a, ruihhlo avangin kan ram, kan khawtlang leh kan kohhran a mi tangkai tak tak tur te hman tlakin lovin ruihhlo bawihah an tang chho mek a ni,” tiin, nasa taka ruihhlo do thei tura tanrual a tul thu a sawi.
Dr Lalmalsawma Nghaka chuan politics hi eizawnna (Profession) tur a nih loh thu sawiin, “Mipui rawngbawlna (mission) tur a ni zawk. Chuvangin, politics-a kan awmna chhante pawh kan hriat chian leh zual a ngai a ni,” a ti.