Golden State Warriors forward Draymond Green chuan a kheimit veilam a ti na a, thla khat leh a chanve vel a chawlh a ngai dawn.
Green inhliam hi a tira hlauhthawn ang taka na erawh a ni lova, Chase Center-ah season thar atana an inbuatsaihnan an inkhelh chhin tuma a tihnat a ni.
Green chuan a hliam chungchang hi sawiin, “Hliam na tak ni thei tur kha ka pumpelh hlauh tih ka hria a, vawiinah kan enchianin hma ka sawn hle tih pawh a hriat a ni.”
“A vung a tlahniam sawt hle a, MRI tih pawh khan a tirah eng ang takin nge a dam chak tur hriat loh nimahsela kan beisei aiin a tha hle.” a ti.
Warrors hian October 24-ah Phoenix Suns hmachhawnin regular season an khel tan dawn a, October 7-ah preseason inkhel hmasa ber neiin tunkar atangin training an nei tan dawn.
Kum 33 mi hian NBA-ah a seasoin 12-na a hmang dawn mek a. Kum li contract Dollar maktaduai 100 man hu tun season atangin a hmang tan dawn.