Aizawl: October 1, 2023, zan dar 10 khan Excise & Narcotics department chuan Seling Zero Point-ah heroin kg 1 leh gram 222 (hawng 102) leh Ganja kg 1 leh gram 74 an man.
Heng ruihhlote hi Myanmar atanga lak a ni a. Ruihhlo neitua puh mi pahnih – Kamkhawlun (44), Henglep, Churachandpur, Manipur leh Nehminlen (34), South Muoldung Tuibuong, Churachandpur, Manipur-a khawsa nia inchhalte chu an man.
END hian ruihhlo phurhna atana an hman, FORD car (MZ01 K – 1420) pawh an hrensak.
Heroin leh Ganja vanga mante hi dan tlawhchhanin thubuai siamsak an ni a, nimin khan Judge, Special Court (NDPS Act) Court-ah thawn nghal an ni.