Kolasib bialtu MLA, FCS&CA Minister K. Lalrinliana’n nimin khan Govt C. Zakhuma HSS Annual Sports 2023 kharna inkhawm a hmanpui.
St Joseph Parish Hall, Kolasib-a kharna inkhawmah khuallian K Lalrinliana chuan thu sawiin, zirlaite chu an rilru leh taksa chak vanglai, infiamna leh kawng hrang hrangah pawh hma an sawn theih hun lai a nih angin, rilru fim tak pua-a hma lam hun sial tura fuihin, “Khawvel changkanna ruala ke kan pe ve zel laiin, hmasawnna leh thil awlsamna chu a tha lam zawnga hman thiam a pawimawh a ni,” a ti.
Govt C. Zakhuma HSS hi kum 1999-a din niin, kumin hian zirlai 286 an nei a. Tun tum hi annual sports an buatsaih tum 23-na niin, annual sports hi August 29, 2023 leh September 1, 2023 inkar chhung khan buatsaih a ni.