Premier League kaithar club pahnihte Thawhlehni zanah an inkhel a. Burnley in tun season a an hnehna hmasa ber chang turin 2-1 in Luton Town an hneh.
Kenilworth Road-ah Luton in an mikhualte lakah hian halftime dawnah goal an chhuah a. Sander Berge thawhrah sengin Lyle Foster chuan goal a khung.
Mahse Luton in substitute Elijah Adebayo hmanga minute 84-naah sutin point khat an inbeisei hman a. An beisei ang erawhin thil thleng lovin minute khat pawh a liam hma in Jacob Bruun Larsen chuan Burnley chakna goal a khung.
Burnley manager Vincent Kompany chuan, “Point thum hmu turin kan beih nasat a ngai a, kan nghah rei vang vang avangin kan team in zanin a theihna kan lantirah ka lawm hle.” tiin an inkhel zawhah a sawi.