Electoral roll ennawn a nih hnu ah nimin khan final electoral roll chu Mizoram district tinah tlangzarh a ni a. Final electoral roll-a a lan danin, Mizorama voter 851895 (mipa 412969; hmeichhia 438925; third gender 1) an awm.
Final electoral roll-ah hian Lunglei district-ah third gender 1 awm anga tarlan a ni a. Hei hi ERONet portal chian loh vanga tihsual palh nia a lan thu leh CEO Office lamin siamtha tura hmalak zui an tum thu dawn a ni.
Nimina tlangzarh tak final electoral roll-a a lan danin, Aizawl district-ah voter 286807 (mipa 1342- 49; hmeichhia 152558) an awm a. Lunglei district-ah voter 100136 (mipa 49644; hmeichhia 50491; third gender 1) an awm. Lawngtlai district-ah voter 91439 (mipa 45685; hmeichhia 45754); Mamit district-ah voter 64787 (mipa 32723; hmeichhia 32064); Kolasib district-ah voter 63462 (mipa 30603; hmeichhia 32859); Champhai district-ah voter 57180 (mipa 27880; hmeichhia 29300); Saitual district-ah voter 55674 (mipa 27572; hmeichhia 28102); Serchhip district-ah voter 54152 (mipa 26265; hmeichhia 27887); Siaha district-ah voter 44489 (mipa 21614; hmeichhia 22875); Khawzawl district-ah voter 17475 (mipa 8697; hmeichhia 8778); Hnahthial district-ah voter 16294 (mipa 8037; hmeichhia 8257) an awm.
Mizoram-ah service voter 4973 (mipa 4884; hmeichhia 89) an awm a. Mipa voter aia hmeichhe voter tam zawkna 25956 a ni.