Netflix series lar tak, ‘Money Heist’ lem anga inlan tlangval pakhat chu Jaipur-ah man a ni.
Rajashthan khawpui-a thil thlengah hian tlangval pakhat chu car chungah dingin amah entu mi eng emaw zat hmaah Rs 10 leh Rs 20 note a theh/sur tir chiam mai a, hei hian traffic jam nasa tak thlenin, a video pawh hi social media-ah en a hlawhzui hle.
Jaipur khawpuia hmunlun tak Gaurav Tower bul hnai maia chetna danglam leh dangdai tak hi thuneitute chuan an enliam mai lova, Deputy Commissionier of Police (DCP) East, Jnanachand Yadav a ngawi mai lo.
Rang taka chet la nghalin, Jawahar Circle Police Station-ah hren zui a ni a, chanchin buatsaih lai hian thu zawhfiah chhunzawm mek a ni.
Spanish heist crime dram lar leh enhlawh, khawvel mipui tam takin hmuhnawm an tih, ‘Money Heist’ film en atanga an tihdan zir a, chechhuak ta video hi social media-ah entu an tamin, thu inchuhna nasa tak a thlen.