Final Electoral Roll of Mizoram, 2023 (2nd Special Summary Revision) chu nimin khan tlangzarh a ni a, Mizoramah voter 8,51,895 an awm.
Mizorama voter 8,51,895 zinga 4,12,969 chu mipa niin, 4,38,925 chu hmeichhia an ni a, mipa aiin hmeichhe vote nei 25,956-in an tam zawk.
Vote tamna ber district Aizawlah chuan voter mipa 1,34,249 leh hmeichhia 1,52,558, an vaiin voter 2,86,807 an awm a, a tlemna ber, Hnahthialah hian mipa 8,037 leh hmeichhia 8,257 an vaiin voter 16,294 an awm thung.
Mizorama district 11 zingah district pakhatah chiah hmeichhia aia mipa voter tamna zawk a awm a, chu chu Mamit district niin mipa voter 32,723 leh hmeichhe voter 32,064 an awm.
Mizorama voter 8,51,895 bakah hian service voter mipa 4,884 leh hmeichhia 89, a vaiin 4,973 an awm.