India ram atanga Oscar dawng pha ngat hlaphuahthiam leh zaithiam lar ni bawk AR Rahman chuan Association of Surgeons India (ASICON) te lakah intihhmingchhiat thubuai siamin, cheng vaibelchhe 10 chawi turin, a ti.
Kum 2018-a concert awm miah lo chungchangah ASICON hian hmingchhe taka an chhuah chu lungawi thei lovin, mipui vantlang hriatah thuphachawi turin a hriattir nghal bawk.
Tunhnai khan ASICON hian Chennai Police Commisioner’s office-ah thubuai thehlutin, Rahman hian 2018 kuma Chennai-a Annual National Conference of Surgeons of India-a zai turin advance cheng nuai 29.50 a dawn tawh chu a pekir lo, an ti a ni.
Hetih lai hian Rahman aiawhtu Narmadha Sampath chuan ASICON nena mimal thil anga inremna leh sum inpekchhuahna pakhatmah a awm lo, a ti ve thung a, show engmah a awm lova, advance-a pawisa inpekna pawh a awm a awm reng reng lo, tiin tan an khawh.