Barcelona in match hnih atang a vawi hnih nan UEFA Champions League-ah hnehna changin bul an tan a, 1-0 in FC Porto an hneh.
Tun tum inkhel erawh Belgian club Antwerp laka an chak zan nen a inang lo hle a. Estádio do Dragão-ah FC Porto lakah point thum an hmu zo lo teuh.
Barcelona hian chak turin substitute Ferran Torres an mamawh a. Inhliam Robert Lewandowski first half a thlaktu Torres hian minute 45-naah inkhel a goal awmchhun a khung a. Porto midfielder Romario Baro ball pass chu laksak in goal a khung.
He inkhelah hian Porto an kheltha hle a. First half-ah Mehdi Taremi, Stephen Eustaquio leh Pepe ten goal khungna remchang uihawm takin an hloh vek.
Second half-ah pawh forward Pepe goal khung ngei tur nia lang Barca defender Jules Kounde chuan a dansak a. Minute 77-naah defender Joao Cancelo handball vangin Porto in penalty an hmu dawn nimahsela referee in VAR hmanga ennawn hnuah thutlukna a sut chuan sawi zui a hlawh hle bawk.