Bengaluru FC in tun season Indian Super League a an point hmasa ber an hmu a. Goal an chhuah hmasa zawk chungin East Bengal an lehthal a, 2-1 in an chak.
Sree Kanteerava Stadium-ah East Bengal tan hian forward hlauhaw Naorem Mahesh Singh chuan first half-ah goal a khung a, 1-0 in hma an hruai nghal.
Mahse minute ruk a liam lehin Sunil Chhetri chuan Bengaluru tan penalty a hmu a, goal-ah a khung.
Second half-ah Bengaluru tan winger Javi Hernandez chuan an chakna goal a khung ta zawk a ni.
He inkhelah hian East Bengal tan centre-half Lalchungnunga chu a inkhel tluan a, lehlamah Lalremtluanga chu second half-ah dah luh a ni bawk.