FOCUS hnuaiah Aizawl district pawn lam district paruk atangin mi 23 te’n Lucknow khawpui daifema Kel vulh zirna hmunpui an tlawh mek.
Serchhip, Champhai, Kolasib, Mamit leh Saitual district atangin kel vulhtu mi pali theuh leh Khawzawl district atanga mi pathum te bakah, anmahni hruaitu mi pahnihte nen nimin atang khan Uttar Pradesh khawpui, Lucknow daifema kel vulh zirtirna hmunpui, The Giat Trust Centre, International Institute of Goat Management an tlawh a ni.
Nimina Kel vulh zirtirna hmun an tlawhnaah he lama mi thiam pathum – Rajat Singh, Ram Jeevan leh Sanjeev Kumar te’n kel enkawl dan tha leh awlsam, hnim damdawi hman tangkai dan te, hlawk leh tha zawka kel vulh dan tharte zirtirna an pe a ni.
Mizoram atanga kel vulh zir tura Lucknow-a kal te hi Boar Semen Station manager pahnih – Dr Vanlalhriatpuia, Kolasib leh Dr H Beirohly, Serchhip te’n an hruai a. Vawiin hian Luncknow atanga km 90 vela hlaa kel vulhna hmun leh a chaw siamna hmun an tlawh ang a, naktip hian training hi an zo fel dawn a ni.