Aizawl: Mara Autonomous District Council-a Chief Executive Member M. Laikaw chuan nimin khan MADC Golden Jubilee Building, Siaha-ah MADC NIELIT Study Centre a hawng.
Hawnna inkhawmah CEM M Laikaw chuan hetianga zirna tha Siaha-in an nei thei chu lawmawm a tih thu a sawi a. “New Maraland din tura hma kan laknate hmu thei tura a awm hi ropui a, thalaite tan tangkai tak leh kan hma hun atan a pawimawh em em a. Thalai tan hian malsawmna ni thei zel turin ka duhsak a ni,” a ti.
MADC NIELIT Study Centre hi Siaha-ah a vawi khatna tur niin zirlai 30 awm theihna tur a ni a. A thlawna zirna turin MADC hian hma a la a, chawlhkar thar atangin class hi kalpui theih tura ruahman a ni.