State pangaa assembly inthlan neih hun tur puan a hnaih mek laiin Election Commission chuan Zirtawpni hian inthlan tluang taka kalpui a niha mipui rorelna ang taka thil tih a nih theih nan an observer-te nena intawh khawm a ko.
Election Commission-in thutkhawm a kohvah hian police, general & expenditure observer zawng zawngten model code an zawm a, sum leh pai leh therhlo pawh politics khelh nana hman a nih lohna turin an sawiho dawn a ni.
Commission hian Rajasthan, Mizoram, Madhya Pradesh leh Chhattisgarh inthlan lo awm tura inbuatsaihna kalpui dan pawh an thlirho dawn a. Ningani khan Telangana an tlawh zo chiah a ni.
Poll panel hian state pangaa inthlan hun tur hi an puang tep tawh tura ngaih a ni.
Assembly inthlan hi Chhattisgarh, Madhya Pradesh, Telangana, Mizoram leh Rajasthan-ah hian November-December vela neih tur a ni.
Mizoramah hian legislative assembly kal mek hun hi December 17-ah a tawp dawn a, hmarchhak state-ah hian MNF-in ro an rel mek.
Telangana, Rajasthan, Chhattisgarh leh Rajasthan-a legislative assembly-te term hi January-a tawp tur a ni hlawm bawk.
Telengana-ah hian Bharat Rashtra Samithi (BRS)-in ro an rel mek a. Madhya Pradesh-ah BJP leh Chhattisgarh leh Rajasthan-ah Congress-in rorelna fawng an chelh mek bawk.