Tupac Shakur-a nau Mopreme Shakur chuan kum 27 chhungzet a u thihna chhuichhuah a ni lo chu a vun rawng (midum) a nih vang, a ti.
Rapper lar tak hi 1996 khan Las Vegas-ah silaia kah niin, a hnu ni reilote ah a thi. Karhmasa khan he thihnaa hnarkaitu leh thupetu nia puh Duane “Keffe D’ Davis chu Nevada-ah man a ni a, thubuai rei tak mutthlu tawh nia ngaih chuan mipui ngaihven a hlawh nasa nghal hle.
Sky News-in a kawmnaah rapper nau hian a U hi mingo ni se la chuan thubuai hi heti taka rei buaipui a ngai reng reng lovang, a ti.
“Pac hi mi dum tlangval mai a ni a, Dan hnuaia intluktlanna chungchanga zawhna tam tak awmna ramah kan cheng. Hei hi sakawlh awmdan chu a ni a, America rama sakawlh nihphung a ni. Ka chiang hle,” tiin a sawi.