Aston Villa captain John McGinn chuan hun pawimawhah goal pawimawh a khung a. Chak ngei an mamawhna inkhelah 1-0 in Zrinjski Mostar an hneh.
Ningani zanah Villa Park-ah Villa hian Bosnia and Herzegovina Premier League a khel club hi an mikhual a. Europa Conference League Group E a an match hmasa berah Legia Warsaw lakah an tlawm tawh a, hei vang hian an mualah chak ngei a ngai.
Nimahsela Europe huap inelna a an match hmasa zawk ang bawkin beisei an pha lova, team tha zawk nimahsela inkhel an thunun lo.
Ball chang hnem mahse Zrinjski tlarhnung an thiat thei lova, ball an chan an hmang tangkai thei lo fova, football hlauhawm an khel lo.
Lehlamah Zrinjski in tlarhnungah defender panga remin midfielder pali an ventir bawk a, Villa goal nawr na tur lo ven chu an thupui ber a ni.
Counter-attack atangin an ti fuh teuh a, an striker Nemanja Bilbija chuan Mario Ticinovic khung teuh mahse Emiliano Martinez chuan a lo dansak hman hram.
Huntawp dawn hun pekbelh minute li naah midfielder McGinn-a’n Europa Conference League a an goal hmasa ber ni tur a khung a, Matty Cash ball cross chu goal-ah a khung.
“Europe a inel in a ken tel a ni a, kum tam kan lo tum tawh a, tunah kan khelh takah chuan hmasawn tura kan beih a ngai.” a ti.