Everton centre-back Jarrad Branthwaite chuan kum 2027 June thleng an club a cham turin contract thar a ziak.
Kum 21 mi Branthwaite hian kum 2020 January thla khan Carlisle atangin Goodison Park hi a zawm a. First team-ah hmun a chan hma in loan in Blackburn Rovers leh PSV Eindhoven tan a khel tawh.
Tun season-ah Everton first team-ah hmun pawimawh a chang mek a, tun nipui a European Under-21 Championship a England champion puitu zingah a tel.
Branthwaite chuan, “Club ka zawm tirh atangin inzawmna nghet tak kan nei a, club lian a ni a, club chhungah hian chhungkua angin kan lawm a, fans te hma a inkhelh hi nuam ka ti a, hei hi ka zawm chhan lian tak a ni.”
“Contract thar ka ziah hian ka hmabak club-ah hian a awm tih ka hria a ni tihlanna a ni a, Everton tana inkhelh hi ka tan a hlu hle.” a ti bawk.