North Eastern Council (NEC) sum Rs. nuai 685 hmanga Ch- amphaia buatsaih tur Sap- thei sawngbawlna hmun- pui ‘Passion Fruit Processing Unit’ chu Inrinni khan Champhai S bialtu MLA, Minister of State ni bawk TJ Lalnuntluanga’n a lungphum a phum.
TJ Lalnuntluanga ch- uan Champhaia Sapthei chingtu ten an harsatna leh mamawhnate a hnena an thlen thin chu bawh- zuiin ‘Passion Fruit Processing Unit’ din turin sorkar laipuia Ministry of Food Processing pawh tum engemawzat an dawr thu leh NEC hnuaiah tihhlawhtlin a nih tak thu a sawi a. Chief Minister Zoramthanga’n Champ- hai district Sapthei chingtute mamawhte a ngaihpawimawh thu leh he project hi NEC project dilna zingah ngaihpawimawh (priority list)-ah a dah thu sawiin, kuthnathawktute leh district mipui aiawhin lawmthu a sawi.
Ramngaw leh nung- chate humhalh chunga hmalak zel a tul thu pawh TJ Lalnuntluanga chuan sawiin, kumtina lo neih bansan tial tiala, huan nghet uar chhoh zel a tul thu a sawi a. Hei hi sorkar policy pawimawh tak a nih thu sawiin, ‘Passion Fruit Processing Unit’ chu hmasawnna daih rei leh tlo (sustainable development) neih theihna tura hmalakna pawimawh tak a nih thu a sawi.
TJ Lalnuntluanga chuan he project hma- lakna kal mekah hian Mualkawi leh Ngur khua- ah te Horticulture department hmalaknain pioneer project-in kuthnathawktu ten Sapthei an ching chho mek a. He project a hlawhtlin ngei theih nan kuthnathawktute chu lo inpuahchah chho tura sawmin, thawhhopuiah a sawm bawk.