Aizawl: AMC Ward III Corporator C.Lalchhandami chuan Ward fund leh property tax return hmanga a bial chhung hmun hrang hranga hmasawnna hnathawh pasarih Inrinni khan a hawng.
A hawnte hi Laipuitlangah vantlang step leh railing Rs 1,50,000 senga siam leh vantlang zun in, Rs 80,000 senga siam te, Ramhlun Vengthara step railing Rs.80,000 senga siam leh side drain Rs 1,00,000 senga siam te, Ramhlun Sports Complex-ah step railing Rs 1,00,000 leh mipui kalna Rs 80,000 senga siam te, Ramhlun Venglai LRM Hospital kawta waiting shed Rs.80,000 a siam te niin April, 2023 hnu lama a ward chhunga ward fund leh property tax return hmanga hmasawnna hna thawhte an ni.