India hmarchhak state huamchhunga volleyball hmasawnna sawiho turin state volleyball association hrang hrangte chu an Pathianni khan Guwahati-ah meeting an nei.
He meeting-ah hian North East a State Volleyball Association pariat atangin state panga aiawh an kal.
Meeting-ah hian North East Volleyball-in nasa zawka hma a sawn theihna tur sawiho a ni a. Hemi kawnga harsatna awmte sutkian a neih theih nan North East Volleyball Co-Ordination Committee chu din a ni.
Tun hnaia Meghalaya a North East Olympic Games neihah volleyball telh a nih loh avangin hma nasa zawka lak chu he meeting hian a tum a. Nakkum a Nagaland a North East Olympic Games awm leh turah Sports Authority of India ah volleyball telh ngei tura rawtna pawh Nagaland Volleyball Association leh Nagaland Olympic Association atangin thlen a ni tawh.
NE Volleyball Co-Ordination Committee ah hian C. Lalrokhuma, General Secretary, Mizoram Volleyball Association chu Convener pahnih zinga pakhatah ruat a ni.