Aizawl : Serchhip Addl. DC James Lalni- thanga hovin Inrinni khan Serchhip DC Conference Hall-ah Mizorama MLA inthlan lo awm tura Serchhip district chhunga MLA bial 3-a candidate-te campaign senso chhutna atana hman tur thil man an bituk.
Election Commission of India (ECI)-in Mizorama MLA inthlanah candidate tin ten inthlan senso atan Rs. nuai 28 aia tam an hman a remti lova. Inthlan puan a nih atangin party tin te campaign senso chhut tan a ni ang.
Senso awm thei tur ni awm anga lang chi hrang hrang – aurinna, pandal siam, flag, poster, banner leh hoarding, lirthei hawh man, ei tur leh riah man, hall leh thuthleng hawh man leh a dang te bakah electronic, print leh social media a fakna chhuah man te bithliah vek a ni.