Aizawl: Lengteng bialtu MLA Dr L Thangmawia leh Sialkal Range Development Council (SRDC) chuan an area huam chhunga zirlai thiam thei, chhungkaw khawsak harsate hnenah Inrinni khan tanpuina an hlan.
Mizoram State Archive Conference Hall-ah tanpuina inhlanna neih niin Lengteng bial chhung zirna in atanga HSLC distinction-a pass zirlai pariatte smartphone hlan nin, HSSLC distinction-a pass zirlai pahnihte hnenah laptop hlan an ni.
Hemi rual hian board exam-a first division-a pass, chhungkaw khawsak harsate zirlai 23-te tanpuina, Lengteng bial MLA fung atangin Rs 3,45,000 leh SRDC area-a zirlai 22-te tan SRDC fund atangin tanpuina sum Rs 3,14,000 sem a ni bawk.
Tanpuina hlanna inkhawm hi Prof H Lalthanzara, Principal, Pachhunga University College chuan khuallian niin a hmanpui.