American tennis star Ben Shelton chu ATP Tour-ah a vawikhatna atan a champion a. Japan Open final-ah Aslan Karatsev a hneh.
Tokyo a final inkhelah hian kum 21 mi Shelton hian a khingpui hi minute 84 chhungin 7-5 6-1 in a hneh a. Ball vuak dik atanga point hmuh vawi 18 a nei.
Shelton hian hnehna a chan avang hian vawiin a ATP Tour rankings thar tihchhuahah 15-naah a chho dawn a, a la san ber tum a ni ang.
“He hnehna hi keimah leh ka thawhpuite tan thil hlu tak a ni. Hma ka sawn theih nan rim takin hna kan thawk theuh a, theihtawp kan zavaiin kan chhuah. ATP Tour-ah hian hlawhtling taka khelh hi ka duh a ni.” tiin a champion hnuah a sawi.