Tottenham Hotspur chu Premier League table chung ber a kir lehnghal turin an chak a, Son Heung-min leh James Maddison te goal khung hmangin Fulham 2-0 in an hneh.
Thawhtanni zana Tottenham Hotspur Stadium a Premier League inkhelah hian Spurs in hliam avanga squad a player chhawr theih loh ngah Fulham lakah harsatna lian an tawk lova. Inkhel tluanin an chungnung.
Spurs hian tun season-ah London derby-ah Arsenal leh Brentford lakah bak point an la hloh lova, mahse London club dang Fulham lakah erawh harsatna an nei lo.
Minute 36-naah Calvin Bassey ball pass sual atanga kal chu captain Son-a’n goal-ah a khung a. Second half-ah Bassey ball pass an lo dan chah atang bawkin Maddison-a’n an goal hnihna a khung.
Fulham tan midfielder Joao Palhinha chu inkhela che tha ber a ni a. A team inkhel tinungtu ni fovin Guglielmo Vicario chuan a goal khung tur tha takin a dansak bawk.
Tottenham boss Ange Postecoglou, “Khingpui hautak lakah result tha tak a ni. Kan dawhtheihna kan chhawr a, an inrem khawng tlat dawn avangin hmunawl kan ngah dawn lo tih kan hria. Ball chhuh tuma kan inpekna a tha hle bawk.” tiin an inkhel a thlirlet a ni.